Salebot + Qut Pay: Kaspi шоты боттан
Salebot-та бот жинап, WhatsApp, Telegram не Instagram арқылы сатасыз ба? Бот тапсырысты қабылдаған соң клиентке Kaspi шотын өзі жібере алады. Шот клиенттің Kaspi.kz қосымшасына түседі. Клиент төлеген соң бот мұны тексеріп, «Төленді» деп жазады. Бұл бір ғана HTTP сұраныспен жасалады, бағдарламашы керек емес.
Qut Pay мен Salebot — екі бөлек сервис, серіктес емеспіз. Бот Qut Pay API-ына Salebot-тың стандартты «API-запрос» блогы арқылы жүгінеді.
Не керек
| Қайда | Не |
|---|---|
| Qut Pay | Кабинет qut.kz/app, қосылған Kaspi Pay кассирі және API кілті (Кабинет → Интеграциялар → API кілттері) |
| Salebot | API функциялары ашық тариф: Salebot-та олар тек «Бизнес» және «Инфобиз» тарифтерінде жұмыс істейді |
| Ботта | Клиенттің телефоны мен сома сақталған айнымалылар, мысалы phone және amount |
Алдымен тест кілтімен (qp_test_…) сынаңыз: шот жасалады, бірақ ешкімнен ақша алынбайды.
1. Шот жасау блогы
Ботта тапсырыс расталатын блокты ашып, API-запрос бөлімін қосыңыз:
- Түрі:
POST-json - URL:
https://api.qut.kz/api/v1/invoices - Заголовок запроса (JSON):
{"X-API-Key": "qp_live_…", "Content-Type": "application/json"}
- JSON параметры:
{
"kind": "phone",
"amount": #{amount},
"description": "Тапсырыс #{order_id}",
"externalOrderId": "#{order_id}",
"idempotencyKey": "salebot-#{order_id}",
"customer": { "phone": "#{phone}" }
}
- Сохраняемые значения из ответа:
id->qp_invoice_id; status->qp_status; payUrl->qp_pay_url; error->qp_error
#{...} — Salebot айнымалылары, өз ботыңыздағы атауларды қойыңыз.
| Өріс | Не үшін |
|---|---|
kind: "phone" | Шот клиенттің Kaspi.kz қосымшасына тікелей түседі, сілтеме жіберу керек емес. Сома тек бүтін теңге болуы керек |
amount | Сома теңгемен: 12000 |
customer.phone | Клиенттің Kaspi-ге тіркелген нөмірі. +7 701 123 45 67, 87011234567, 77011234567 — бәрі қабылданады |
idempotencyKey | Клиент батырманы екі рет басса не бот сұранысты қайталаса, екінші шот жасалмайды, бұрынғысы қайтады. Әр тапсырысқа бөлек болуы керек |
description | Клиент Kaspi-де көретін түсініктеме |
Сұраныс сәтті болса, qp_status = pending, ал qp_invoice_id = inv_…. Ботқа: «Kaspi қосымшаңызға шот жіберілді, 12 000 ₸. Төлеген соң «Төледім» деп жазыңыз» деп жаздырыңыз.
qp_error толып келсе, шот жасалмаған. Мысалы, invalid_phone — нөмір қате, kaspi_customer_not_found — бұл нөмір Kaspi-де жоқ. Екеуінде де клиенттен Kaspi-ге тіркелген нөмірін қайта сұраңыз.
2. Төлемді тексеру блогы
Клиент «Төледім» деп жазғанда не «Тексеру» батырмасын басқанда шот күйін сұраңыз:
- Түрі:
GET - URL:
https://api.qut.kz/api/v1/invoices/#{qp_invoice_id} - Заголовок запроса: 1-қадамдағыдай
- Сохраняемые значения из ответа:
status->qp_status
Сосын шарт блогымен qp_status мәнін тексеріңіз:
qp_status | Мағынасы | Бот не жазады |
|---|---|---|
paid | Төленді | «✅ Төлем түсті, рақмет!» — сосын тапсырысты әрі қарай жүргізеді |
pending | Әлі төленбеді | «Шот Kaspi қосымшаңызда тұр, төлеген соң қайта жазыңыз» |
failed | Kaspi шотты қабылдамады: бұл нөмір Kaspi-де жоқ не клиент бас тартты | «Бұл нөмірге шот бармады. Kaspi-ге тіркелген нөміріңізді жазыңыз» → 1-блокқа қайта, жаңа нөмірмен |
expired | Шоттың мерзімі өтті | 1-блокқа қайта, жаңа шот |
cancelled | Сіз шотты кабинеттен болдырмадыңыз | Менеджерге беру |
Жаңа нөмірмен қайта жібергенде idempotencyKey-ді өзгертіңіз, мысалы salebot-#{order_id}-2. Әйтпесе бұрынғы шот қайта қайтады.
3. Төлем туралы сізге хабар
Клиент «Төледім» деп жазбаса да, сіз біле аласыз:
- Telegram: Qut Pay кабинетінде Telegram-ды қосыңыз. Әр төлем туралы хабар келеді.
- Кабинет: Шоттар бөлімінде әр шоттың күйі, клиенттің нөмірі мен
externalOrderIdкөрінеді.
Telegram мен Instagram боттары үшін
WhatsApp-та kind: "phone" қолданыңыз: шот сілтемесіз, Kaspi қосымшасына барады. Ал Telegram-да не VK-да клиентке сілтеме жіберу ыңғайлы болса, kind-ті алып тастаңыз. Сонда qp_pay_url келеді (https://qut.kz/pay/inv_…). Ол бетте QR мен «Kaspi-де төлеу» батырмасы бар. Ботқа осы сілтемені жаздырыңыз. QR шамамен 3 минут жарамды, бет мерзімі өткенде жаңасын өзі ұсынады.
Тексеру
- Кабинетте тест кілтін (
qp_test_…) жасап, 1-блоктың тақырыбына қойыңыз. - Ботқа өзіңіз тапсырыс беріңіз. Кабинетте тест шоты пайда болады.
- Кабинетте сол шотты ашып, «[Sandbox] төленді» батырмасын басыңыз.
77000000404нөмірі «Kaspi-де жоқ клиент» жағдайын сынауға арналған. - Ботқа «Төледім» деп жазыңыз. Бот «✅ Төлем түсті» деп жауап беруі керек.
- Бәрі дұрыс болса, кілтті
qp_live_…-ке ауыстырыңыз.
Жиі кездесетін қателер
| Жауап | Себебі | Не істеу |
|---|---|---|
401 unauthorized | Кілт қате не тақырыпта жоқ | X-API-Key дұрыс жазылғанын, кілт өшірілмегенін тексеріңіз |
403 insufficient_scope | Кілттің құқығы жоқ | Кілтте invoices:write және invoices:read болуы керек |
422 invalid_phone | Нөмір 11 цифр емес | Клиенттен нөмірді қайта сұраңыз |
422 kaspi_customer_not_found | Бұл нөмір Kaspi-де жоқ | Сол нөмірмен қайталамаңыз, Kaspi нөмірін сұраңыз |
422 amount_must_be_whole_tenge | kind: "phone" кезінде тиын бар | Соманы бүтін теңгеге дөңгелектеңіз |
429 tariff_limit_reached | Тарифтің айлық лимиті бітті | Кабинет → Тариф |
503 kaspi_session_expired | Kaspi кассирінің байланысы үзілген | Кабинетте кассирді қайта қосыңыз |
qp_status = failed | Клиент бас тартты не Kaspi шотты қабылдамады | Клиентпен сөйлесіңіз; керек болса жаңа idempotencyKey-мен қайта жіберіңіз |
Құны
Qut Pay тарифіне кіреді, бөлек ақы жоқ. Тарифтің айлық лимитіне тек төленген шоттар есептеледі. Kaspi өз комиссиясын бөлек ұстайды. Salebot тарифі өз алдына. Толығырақ: тарифтер.
Көмек
Бапталмай жатса, блоктың скриншотын (кілтті жасырып) WhatsApp-қа +7 778 881 3333 не Telegram @qutpaybot-қа жіберіңіз. API-дың толық сипаттамасы: сайтқа интеграция, ЖИ-агенттерге: api.qut.kz/llms.txt.
Көмек керек пе? WhatsApp +77788813333 · kazprose@gmail.com · 09:00–21:00 (Алматы)
Кабинеттен де жазуға болады: Қолдау.
Qut Pay — тәуелсіз сервис, «Kaspi Bank» АҚ-мен аффилирленбеген. Kaspi және Kaspi Pay — құқық иесінің тауар белгілері.