Қысқаша
Кассир нөмірін ауыстыру үшін жаңа байланыс қосасыз, оны негізгі етесіз, сосын ескісін ажыратасыз. Бұрын жасалған счёттар мен ақша тиылмайды. Ескі байланысқа API кілт байланған болса, алдымен кілтті жаңасына ауыстыру керек, әйтпесе жою жұмыс істемейді.
Реті
Ескісін бірден жоймаңыз. Алдымен жаңасы жұмыс істейтініне көз жеткізіңіз.
- Жаңа нөмірді Kaspi Pay-де дайындаңыз. Қосымшада: Настройки → Сотрудники → Добавить сотрудника, рөлі «Кассир». Нөмір үш шартқа сай болуы керек: Кассир нөміріне қойылатын үш шарт.
- Кабинетте жаңа байланыс қосыңыз. Kaspi кассирлері → атауын жазып Кассир қосу, сосын жаңа нөмірді енгізіп, SMS кодын растаңыз.
- Жаңасын негізгі етіңіз. Оның картасындағы Негізгі ету батырмасын басыңыз. Осыдан кейін жаңа счёттар сол кассир арқылы кетеді.
- Сынап көріңіз. Кішкентай сома, мысалы 50 ₸, счёт жасап, төленетінін тексеріңіз.
- Ескісін ажыратыңыз. Ескі байланыстың картасында Ажырату, сосын қаласаңыз Жою.
API кілт ескі кассирге байланған болса
Кабинетте әр API кілтті нақты бір кассирге байлауға болады. Байланған кілттің live счёттары тек сол кассир арқылы жүреді.
Ескі кассирде байланған кілт болса, оны жою connection_has_keys қатесін береді. Реті мынадай:
- Интеграциялар бөліміне барасыз
- Кілттің қасындағы кассир тізімінен жаңасын таңдайсыз
- Содан кейін ғана ескі байланысты жоясыз
Кілт ешбір кассирге байланбаған болса, ол автоматты түрде негізгі кассир арқылы жұмыс істейді — ештеңе өзгертудің қажеті жоқ.
Жазылымдар да қай кассир арқылы жасалғанын есте сақтайды. Ескі кассирге байланған жазылым болса, оны да жаңасына ауыстырыңыз.
Нақты жағдайлар
Кассир жұмыстан кетті
Егер нөмір сол адамның жеке нөмірі болса, оны бірден ауыстырған дұрыс: ол адам кез келген уақытта Kaspi Pay-ге кіріп, байланысты үзіп жіберуі мүмкін. Жоғарыдағы реті бойынша жаңа нөмірге көшіріңіз.
Мұндай жағдай қайталанбауы үшін кассир нөмірін қызметкердің жеке нөмірі емес, компанияның өз SIM-картасы етіп ұстаған жөн.
Нөмір өзгерді, адам сол
Kaspi Pay-де ескі қызметкерді өшіріп, жаңа нөмірмен қайта қосасыз. Сосын кабинетте жаңа байланыс жасайсыз. Ескі нөмірді «жаңарту» деген нәрсе жоқ — Kaspi үшін бұл басқа қызметкер.
SIM жоғалды немесе өшіп қалды
Байланыс әлі белсенді болса, счёттар жұмысын жалғастыра береді. Бірақ келесі рет қайта байланыстыру керек болғанда SMS келмейді. Сондықтан SIM-ді қалпына келтіріңіз немесе алдын ала басқа нөмірге көшіңіз.
Бизнес иесі ауысты
Kaspi Pay аккаунты жаңа иеге өтсе, ескі кассир қызметкер тізімінен алынып тасталуы мүмкін. Сонда байланыс үзіледі. Жаңа иенің Kaspi Pay-інде жаңа кассир ашып, кабинетте жаңа байланыс жасайсыз.
Qut Pay кабинетіндегі ұйым, счёттар тарихы, кілттер мен тариф сол күйі қалады.
Уақытша кассир жоқ
Кассир нөмірін ауыстыратын уақыт болмаса, sandbox режиміне ауысып, интеграцияңызды сынауды жалғастыра аласыз. Нақты төлем қабылдау үшін белсенді кассир міндетті.
Бұрынғы деректерге не болады
| Не | Ауыстырғаннан кейін |
|---|---|
| Төленген счёттар | Орнында, тарихта көрінеді |
| Төленбеген ескі счёттар | Ескі кассирге байланған, ол ажыратылса күйі тексерілмейді |
| Ақша | Бәрібір сіздің Kaspi шотыңызда, тиылмайды |
| Қайтару | Ескі счёт бойынша қайтару ескі кассир белсенді болғанда ғана жасалады |
| API кілттер | Қалады, бірақ байланғаны болса қайта байлау керек |
| Webhook | Өзгермейді |
| Тариф және лимит | Өзгермейді |
Сондықтан ескі кассирді бірден жоймай, төленбеген счёттар бітуін немесе қайтару мерзімі өтуін күткен дұрыс.
Жиі қойылатын сұрақтар
Бір ұйымда бірнеше кассир болуы мүмкін бе? Иә. Әрқайсысы — бөлек нөмір, бөлек байланыс. Біреуі негізгі болады, қалғандары API кілт арқылы таңдалады.
Ауыстырғанда счёттар тарихы жоғала ма? Жоқ. Тарих ұйымға тиесілі, кассирге емес.
Жаңа нөмірді бірден негізгі ету керек пе? Жоқ, алдымен сынап көріңіз. Негізгі етпей тұрып та, кілтті сол кассирге байлап тексеруге болады.
Ескі кассирді жоймай қалдырсам бола ма? Болады. Ажыратылған байланыс ештеңеге кедергі жасамайды, тек тізімде тұрады.